Աջակցություն արցախյան տեղեկատվական ընկերություններին
ՍԱՍՏԻԿ-ն աջակցում է Արցախից տեղահանված նորարարական թիմերին և ստարտափներին.
Արցախցի մեր այն հայրենակիցները, որոնք ունեին ընկերություն / ստարտափ / նորարարական գաղափար Արցախում և այժմ ցանկանում են վերականգնել այն Հայաստանում, սակայն ունեն աջակցության կարիք, հրավիրում ենք դիմել ՍԱՍՏԻԿ-ին։
Համահայկական գիտության և տեխնոլոգիաների ռազմավարական ներդրումային համայնքը (ՍԱՍՏԻԿ) ձևավորվել է 2020 թվականին՝ միավորելու համայն հայության բարձրակարգ մասնագետներին և ձևավորված մասնագիտական ու ֆինանսական ներուժը ներդնելու ՀՀ-ում տեխնոլոգիական ուղղություններով կրթական ծրագրերի իրականացման և նորարարական ընկերությունների զարգացման մեջ:
Հավատարիմ մնալով մեր առաքելությանը՝ պատրաստ ենք աջակցել արցախցի տաղանդավոր անհատներին և թիմերին գնալ իրենց երազանքի ետևից և նպաստել հայրենիքի կենսունակ տեխնոլոգիական էկոհամակարգի զարգացմանը:
Աջակցության փաթեթը ներառում է.
Ֆինանսական ներդրում/աջակցություն. ֆինանսական ներդրում արցախյան ընկերություններում/ստարտափներում՝ աջակցելու նրանց ոտքի կանգնել և վերսկսել իրենց նորարարական ծրագրերը Հայաստանում:
Մենթորություն. մեր փորձառու մենթորներն ու խորհրդատուները սերտորեն կաշխատեն ընտրված ընկերություն/ստարտափների հետ՝ առաջարկելով առաջնորդություն և փորձագիտական աջակցություն:
Նեթվորքինգ հնարավորություններ. ՍԱՍՏԻԿ-ը կկապի ընկերություններին/ստարտափներին պոտենցիալ գործընկերների, ներդրողների և համագործակցողների հետ՝ հնարավորություն տալով նրանց աճել և ընդլայնել իրենց բիզնեսը:
Հետաքրքրված անձինք / թիմերը կարող են դիմել ՍԱՍՏԻԿ-ին հետևյալ հղումով՝ https://sastic.org/artsakhtechsupport/ և/կամ զանգահարել +374 33 26 26 78 հեռախոսահամարով:
