ԹԱՐՄԱՑՈՒՄ
Ծանոթացե՛ք վերջին թարմացումներին.
- Բանակցությունների ավարտից հետո ՍԱՍՏԻԿ-ը և Դենովո Սայենսիս տեխնոլոգիական ընկերությունը SAFE համաձայնագիր են կնքել: ՍԱՍՏԻԿ-ի ֆինանսավորմամբ ընկերությունը կընդլայնի իր հաշվողական և լաբորատոր հնարավորությունները՝ արագացնելով դեղամիջոցների նոր թեկնածուների հայտնաբերումը առավել արդյունավետ և ծախսարդյունավետ կերպով:
Այլ մանրամասներ՝ SASTIC_Denovo Sciences:
- ՍԱՍՏԻԿ-ը դրամաշնորհային պայմանագիր է կնքել Հայաստանի կենսաինֆորմատիկայի ինստիտուտի (ABI)-ի հետ՝ աջակցելու նրանց առաքելությանը խթանել բիոինֆորմատիկայի և գենոմիկայի ոլորտներում հետազոտությունները, ինչպես նաև բիոինֆորմատիկայի և հարակից ոլորտների որակյալ ուսուցումը հայկական կրթական հաստատություններում:
Դրամաշնորհային համաձայնագրի շրջանակներում՝ ՍԱՍՏԻԿ-ի աջակցությամբ, ABI-ը ձեռք կբերի համակարգչային սերվեր:
Այլ մանրամասներ՝ այստեղ:
- Կայացել է ՍԱՍՏԻԿ-ի ներածական վեբինարը, որի ընթացքում ներկայացվել է վերջինիս առաքելությունը և թե ինչպես է ՍԱՍՏԻԿ-ը ներդրումներ կատարում Հայաստանում: Վեբինարի մասնակիցներից երկուսը համալրել են ՍԱՍՏԻԿ-ի անդամների շարքը: Վեբինարի հղումն՝ այստեղ:
- Փոխըմբռնման հուշագիր է կնքվել Ա.Նալբանդյանի անվան քիմիական ֆիզիկայի ինստիտուտ-ի (ՀՀ գիտությունների ազգային ակադեմիա) հետ: Համագործակցությունն ուղղված է AI-ի վրա հիմնված մոդելի մշակմանը, որը կկիրառվի հաջորդ սերնդի արևային բջիջների և դիսփլեյների նյութերի մոդելավորման, սինթեզի և կայունացման նպատակով՝ հատուկ ուշադրություն դարձնելով պերովսկիտներին:
Վերոգրյալ համագործակցության շրջանակներում ՍԱՍՏԻԿ-ը տրամադրում է խորհրդատվական աջակցություն Արհեստական բանականության և Մեքենայական ուսուցման ոլորտներում:
- Ռադիո Վանի հետ զրուցել ենք ՍԱՍՏԻԿ-ի մասին: Մանրամասն՝ Ոչ թե բարեգործություն, այլ՝ ներդրում:
- Ընթացիկ աշխատանքներ՝
- Նախագծերի վերանայման հանձնաժողովը շարունակում է իր բնականոն աշխատանքը:
- Մարկետինգի հանձնաժողովն ի թիվս այլ գործառույթների՝ զբաղվում է գալիք վեբինարի կազմակերպչական աշխատանքներով: Առաջիկա վեբինարին կարող եք գրանցվել այստեղ՝ webinar with SASTIC:
- Անդամների հարցերով հանձնաժողովը շարունակում է իրականացնել ՍԱՍՏԻԿ-ի անդամների ներգրավվածությունը ընթացիկ աշխատանքներին մեծացնելու և ՍԱՍՏԻԿ-ի համյանքն ընդլայնելուն ուղղված իր գործառույթները:
- Օգտակար հղումներ՝
- Անդամակցությունը շարունակվում է: Միացե՛ք այստեղ՝ https://sastic.org/join-sastic/
- Ի գիտություն՝
Օգոստոս ամսին ՍԱՍՏԻԿ-ը կդադարեցնի տեսազանգերը: Օգոստոսի 2-ին միայն Նախագծերի վերանայման հանձնաժողովն ունեցել է տեսազանգ ՍԱՍՏԻԿ-ին ներկայացված ծրագրային հայտի շուրջ համապատասխան քննարկում ունենալու նպատակով:
Տեսազանգերը կվերսկսվեն սեպտեմբերի 5-ից:
