6 Sep 2021

Սիրելի՛ ընկերներ,

Նախորդ շաբաթների թարմացումը և նորությունները․ 

 

  • Նախագծերի վերանայման հանձնաժողովը (Project Review Committee) սկսում է նոր նախագծերի ընդունման հաջորդ փուլը։ Թիմերին և ընկերություններին հրավիրում ենք համագործակցության, մանրամասները հետևյալ հղումով՝ https://sastic.org/apply-to-sastic/ 
  • Պրոյեկտների կառավարման դասընթացը ավարտվեց։ Ունենք ութ շրջանավարտ, որոնք մեր շահառուներն են, և որոնց կհանձնվեն ավարտական վկայականներ։ Մյուս փուլում, հնարավորության առկայության դեպքում, լավագույններին կհրավիրենք մասնակցելու պրոյեկտների կառավարման պրակտիկ փուլին։ Մեծ շնորհակալություն կազմակերպիչներ Լիլիթ Սիմոնյանին, Աննա Գալստյանին, Մելանյա Սիմոնյանին և դասընթացավարներ Արուս Պողոսյանին ու Սիփան Արևշատյանին։ Դասընթացը կազմակերպվել ու վարվել է այս թիմի անհատական ջանքերով։
  • Քննարկվել է Երևանի Ֆիզիկայի Ինստիտուտի ներկայացրած նախագիծը՝  «Էլեկտրոնային լիտոգրաֆիայի գերճշգրիտ սարքավորում»։ Համաձայնություն է տրվել՝ 
    • ԱԱԳԼ-ի գիտական խմբին աջակցություն և խորհրդատվություն տրամադրել՝ ներգրավելով համապատասխան ոլորտներից «ՍԱՍՏԻԿ»-ի մասնագետներին,
    • թեմատիկ հետազոտությունների և իրականացման գործընթացների ֆինանսավորման և վերահսկողության,
    • ստացված արդյունքի առևտրայնացման։
  • Ցավոք սրտի  AIP-Tech-ի թիմերին ներկայացված համագործակցության առաջարկը հետագա ընթացք չի ստացել։
  • Հանդիպումներ, քննարկումներ և պայմանավորվածություններ են ձեռք բերվել նաև մի շարք կազմակերպությունների և պետական մարմինների հետ՝
    • ՀՀ գիտության կոմիտեի նախագահի տեղակալ Արթուր Մովսիսյանի հետ քննարկվել է գիտական քաղաքականությունը և գիտության ֆինանսավորման ընթացակարգերը։  Նախնական պայմանավարվածություն է ձեռք բերվել թեմատիկ գիտական հետազոտություններում համագործակցել և ըստ հնարավորության ներգրավվել SASTIC-ին որպես համաֆինանսավորող։
    • ISTC-ում կայացավ «Գիտական և տեխնոլոգիական լրագրություն» դասընթացի շրջանակում կազմակերպած թվով երկրորդ կոնֆերանսը՝ այս անգամ նվիրված տեխնոլոգիաներին և նորարարությանը, որում ներկայացվեց SASTIC-ը և նրա տեսլականը։ Մանրամասները այստեղ։
    • Մի շարք հանդիպումներ են տեղի ունեցել Հայաստանի Ազգային Պոլիտեխնիկական Համալսարանում, այդ թվում նաև ՀԱՊՀ ռեկտոր պրն Գոռ Վարդանյանի հետ, Շարունակական կրթության և դասախոսների վերապատրաստման կենտրոնի տնօրեն պրն Արթուր Զապրոսյանի հետ, լաբորատորիաների ղեկավարների հետ։ Պայմանավորվածություն է ձեռք բերվել, անհրաժեշտության դեպքում համագործակցել ՀԱՊՀ-ի հետ անհրաժեշտ դասընթացներ կազմակերպելու և իրականացնելու համար։
    • Հանդիպում է կայացել, Լուսինե Նալբանդյանի հետ, «Օրգանական Հայաստան» գյուղատնտեսական ասոցիացիա ՀԿ-ի նախագահի հետ։ Քննարկվել են արդիական գյուղատնտեսական խնդիրները Հայաստանում և հնարավոր պրոյեկտները, որոնցում SASTIC-ը կարող է ներգրավվել։
  • AI/ML և Agriculture աշխատանքային թիմերում ընթանում են ակտիվ քննարկումներ և հանդիպումներ։
  • Մարկետինգային թիմը շարունակում է աշխատանքը՝ SASTIC-ի ապագա առաջխաղացման շեշտադրումով։
  • Անդամակցությունը շարունակվում է: Միացե՛ք այստեղ՝ https://sastic.org/join-sastic/
  • SASTIC-ի անդամները ներքին ֆինանսական հաշվետվությանը կարող են ծանոթանալ՝ https://sastic.org/internal-financial-reports/ հասցեով։